Tula Ng Isang Kaibigan
By: Shinayawaara
Mahirap kalimutan ang unang beses na makilala ka
Ang mga kislap ng iyong mga mata sa aking isipan ay hindi mabubura
Kapag kasama kita at ako’y masaya
Ito’y magsisilbing isang alaala
Kapag ako’y malungkot at nag-iisa
Nariyan ka upang ako’y gabayan
Sa bawat araw na nagdaraan
Lalong tumitindi ang ating pagkakaibigan
Subalit dumating ang isang araw
Na sa akin ika’y nagpaalam
Hindi matanggap ng damdamin
Nang ika’y biglang lumisan
Masakit para sa akin ang tayo’y magkalayo
Ngunit walang magawa ang ating mga puso
Sapagkat panahon ang sa ati’y naglayo
Ngunit pagkakaibigan natin ay hindi maglalaho.