“Simsimi”
“Ang ganda ni Ruijin noh kuya?” sabi ni Jen at naupo sa tabi kong
silya.
Mukhang ako
naman yata ang balak inisin ng dalawang ito pagkatapos kay Ruijin ah.
“So?” kunwa’y bale-walang sabi ko ng
hindi parin ang inaalis ang tingin sa harap ng laptop.
“Ligawan mo”
“Nababaliw ka na ba?” I smirk.
Ako?
Liligawan ang dragonesang iyon?
No thanks.
Mahal ko pa ang buhay ko.
“Hindi. Pero ikaw kuya nababaliw ka
na!” ani Jen at
biglang inagaw sakin ang laptop ko. “tama
bang makipag-asaran ka kay Simsimi??? Adik ka ba kuya?”
Eh ano
naman kung makipagtagisan ako ng talino kay Simsimi? Asar talo naman sakin yung
sisiw na robot na yun eh.
“Ano ba yan wala namang kwenta ang
pinag-uusapan niyo eh. Ako nalang ang magtatanong kay Simsimi.”
Sinimulan
ni Jen ang magtype sa laptop. Nakatingin naman kami pareho ni Ian sa kanya.
“Anong masasabi mo kay Ranzell
Montreal?” type ni
Jen sa laptop.
Reklamador
“Bwahahahaha…reklamador ka pala pare
eh” pang-aasar ni
Ian.
“Shut up!”
“Ano namang masasabi mo kay Ruijin
Minah?” type ulit
ni Jen.
Adik
“Ayan ang totoo. Adik naman talaga
yung babaeng iyon eh” tumatango-tangong sabi ko.
“Weee?” chorus ng dalawa.
“Magtatanong ulit ako….bagay ba sina
Ran at Ruijin?”
Ay…pwedeng
pwede,,bagay na bagay.
“Wow naman Pare!!!!” pang-aasar ni Ian at tinatapik
tapik ako sa balikat.
“Kalokohan yan” sabi ko pero di ko rin naman maiwasang
tignan ang pinag-uusapan nila Jen at Simsimi.
“May gusto ba si Ran kay Ruijin?” type ulit ni Jen.
Oo naman. kaya nga
nagagalit sya sa mga may crush dun eh.
“Ano??? Sira-ulong sisiw yan
ah..prituhin ko yan eh”
Katakot-takot
na asar at panunukso tuloy ang inabot ko dito sa dalawa dahil sa sinabi ni
Simsimi.
“Sige para fair… may gusto ba si
Ruijin kay Ran?”
Ewan ko
pero para akong naghihintay ng oras ng bitay habang naglo-loading pa ang
isasagot ni Simsimi.
“Ang tagal naman” di ko tuloy maiwasang ikomento.
“Wooh…excited…gusto niyang malaman
kung may gusto sa kanya si Ruijin” pang-aasar ni Ian.
“Kuya masyadong pa-obvious”
“Hay naku tumigil kayong dalawa”
“Ayan may sagot na”
Nakipag-agawan
pa ako kay Jen sa pagtingin sa sagot ni Simsimi.
Oo..may tinatago pa
ngang picture niya yun sa wallet niya eh.
Nakakalokong
nagtinginan sina Ian at Jen sabay tumawa.
“Well…well…well..mukhang may mutual
understanding na sila ah”
“Mutual understanding ka dyan.
Kalokohan lang naman ang mga pinagsasabi ni Simsimi eh”
“Kung kalokohan bakit mo
pinapatulan? Naturingan ka pa namang abogado kuya.”
“Killing time”
“Asus..mga dahilan mo”
“Well pare…even if you are a lawyer
you can’t win against a woman” natatawang sabi ni Ian.
“Hindi rin….buti ikaw natahimik na
ang maligalig mong mundo”
“Yeah…” sagot ni Ian sabay tingin kay Jen na
busy sa paglalaro sa laptop ko. Para pa ding
bata. “I fell in love”
That was
nice. Napangiti nalang ako.
Naiintindihan
ko ang dalawang iyan dahil maraming hirap na din silang napagdaanan eh. Atleast
they are still together no matter what happens.
“Angel hindi pa ba tayo aalis?” tanong ni Ian kay Jen.
“Saan tayo pupunta?” kunot-noong tanong ni Jen.
“Diba sabi mo may bibilhin ka sa
mall?”
“Ay..oo nga pala para sa engagement
party ni Ate Yesha..ikaw kuya may gift ka na ba?” baling sakin ni Jen.
“Wala pa..ibili mo nalang din ako”
“Pambili?”
“Abonohan mo muna”
“Sige pero may 10% interes yun
ah…plus VAT”
“Gusto mong kasuhan kita? Extortion
yan”
“Extortion ka dyan…magagawa mo ba yun
sa maganda, sexy at napakabait mong kapatid ha kuya?”
“Hay naku ewan ko sayo…nagkakalokohan
na tayo dito eh. Umalis na nga kayong dalawa. Sinisira niyo yung lugar na
ito..ang gulo niyo”
“Sige last na ito…Simsimi anong
masasabi mo kina Ran at Ruijin?” type ni Jen sa laptop.
Dalawang taong may
lihim na pagtingin sa isa’t isa kaso parehong ayaw magpakumbaba.
“Nice naman kuya…hindi sakin galing
yan ah kay Simsimi na yan..Sige mauna na kami kuya..goodluck sa
pakikipagtagisan mo ng galing kay Simsimi” paalam ni Jen matapos humalik sa pisngi ko.
“Sige Pare”
“Sige..ingat kayo…Ian ingatan mo
yang kapatid ko at baka biglang damputin ng mga guard sa mall”
“Sige don’t worry itatali ko ito”
“Kayo kaya ang pagbuhulin kong dalawa…tara na nga Ian” at hinila na nito palabas ng CaPerona si Ian.
No comments:
Post a Comment