Friends Zone : Chapter 22

[ The New Girl ]

[Jiyeon’s POV]

Tirik na ang araw ng makarating ang barkong sinakyan ko papuntang Maynila. Agad na nagsibabaan ang mga pasahero upang salubungin ang mga susundo sa kanila. Nakisabay na din ako sa kanila. Ayokong mapag-iwanan eh.

Nang makababa ako ng barko ay tumabi muna ako sa gilid. Itinabi ko din ang maletang dala ko upang hindi makaistorbo sa ibang pasaherong bumababa. At dahil nakakangawit tumayo eh ginawa kong upuan yung maleta ko habang hinihintay kung sino ang susundo sakin.

“Hay!!! Ito pala ang Maynila. Nasa ovary palang siguro ako ni Inay pangarap ko ng makarating dito” sabi ko at pasimpleng luminga-linga sa paligid upang hanapin ang posibleng susundo sakin.

Mayat-maya ay napapatingin ako sa relo ko at napapapitlag sa tuwing may palapit sakin.

“wala na yatang susundo sakin ah…mag-iisang oras na akong naghihintay dito. Gutom na gutom na ako”

Kagabi pa mula ng huli akong kumain at pasado alas dose na ng tanghali kaya siguro gutom na gutom na ang mga alaga ko sa tyan.

Konti nalang ang taong natitira dito.

Paano kung wala na ngang sumundo sakin?

Paano kung may masamang loob na lumapit sakin?

Paano na ako dito sa Maynila? Mapupunta nalang ba ako sa mga prostitution?

“Hay naku Jiyeon tigilan mo nga iyang pag-iisip mo ng kung ano-ano okay?” saway ko sa sarili ko.

Mawawalan na sana ako ng pag-asa ng may isang itim na kotse ang huminto sa tabi ko. Bahagya naman akong naalarma kasi baka sindikato ito at balak akong kidnapin.

“Naku po..wala akong pera..mahirap lang po ako.” At itinakip ko ang kamay ko sa mukha ko ng may bumabang isang babae at lalaki sa kotse.

Ganun nalang ang gulat ko ng bigla nalang silang tumawa. Tinignan ko naman sila ng puno ng pagtataka.

Isang babaeng sa tingin ko ay matanda lang sakin ng isa o dalawang taon at isang lalaki na kasing edad ko or matanda sakin ang nakita ko.

Meaning..mga estudyante lang itong mga ito.

“Jiyeon ikaw na ba iyan? Ako ito si Richelle..pinsan mo ako” pakilala nung babae at bigla ba naman akong niyakap?

“Richelle?? Ahh…oo yata pinsan nga yata kita..pasensya na ah..di kita makilala hilo na kasi ako sa gutom” reklamo ko at bahagyang hinimas ang tyan.

Agad naman siyang humingi ng paumanhin sakin.

“Pasensya ka na ah. Naipit kasi kami sa trapik. Alam mo naman dito sa Maynila. By the way this is my boyfriend Trace” pakilala nito sa lalaking kasama “Bheb, si Jiyeon pinsan ko…actually second cousin”

“Hi Jiyeon, welcome to Manila” sabi nung boyfriend nung pinsan ko at nakipagkamay sakin.

Wow ah..magaling pumili si Insan…saksakan ng gwapo ang boyfriend niya. At mukhang mayaman at mabango pa.

“Bheb, pakitulungan naman si Jiyeon sa mga luggage niya” sabi ni Richelle at tinignan ang mga dala kong maleta.

Akmang bubuhatin naman na ito nung boyfriend ni pinsan pero pinigilan ko siya.

“Ako nalang..kaya ko na ito” sabi ko at sinimulang buhatin ang mga maleta ko papunta dun sa compartment ng kotse.

“ako na Jiyeon” pigil ni Trace at siya na ang nagbuhat ng gamit ko.

Sumakay naman na kami ni Richelle sa loob ng kotse. Sa unahan siya, sa likod naman ako.

Teka nga…hindi ko pa pala naikukwento kung sino ako at anong ginagawa ko dito sa Maynila…at kung anong ginagawa ko dito sa kwentong ito.

Ako nga pala si Jiyeon…laking probinsya ako…pero sa totoo lang..hindi ko alam kung bakit Jiyeon ang pangalan ko. Ang sabi nun ni Inay..si tatay daw ang nagpangalan sakin. Isang seaman si tatay nung nabubuhay pa siya…at nung minsan daw na nagpunta sila ng Korea ay may nakilala siyang isang cute na cute na bata na ang pangalan ay Jiyeon..habang ipinagbubuntis ako ni Inay… ayun… kaya nung pinanganak ako..iyon na ang ipinangalan sakin… nag-iisang anak lang ako… bata pa lang ako nung namatay si Tatay. Halos di ko din naman siya nakasama gawa nga ng trabaho niya…kaya kaming dalawa lang ni inay ang laging magkasama….at nitong nakaraang buwan nga ay pumanaw na si Inay.. kaya napilitan akong lumuwas ng Maynila para makitira dun sa nag-iisang kamag-anak ni Inay.

Naputol ang pag-iisip ko ng maramdaman kong kumulo na naman ang tyan ko. Gutom na talaga ako.

“Ahhh Richelle, malayo pa ba ang bahay niyo?” di na nakatiis na tanong ko.

“Actually Jiyeon..hindi muna tayo didiretso sa bahay… may dadaanan muna tayo”

“Hah??? Malayo?” Gutom na gutom na ako eh.

                                                                                         

“Hmmm.. medyo malapit lang naman…why?”

“Gutom na kasi ako” di na ako nahiyang magsabi. Aba? Eh kesa naman mamatay ako sa gutom diba?

“Ahh ganun ba? Sorry…sige magdrive thru nalang tayo kapag may nadaanan tayo..tapos dun ka nalang kumain sa pupuntahan natin kasi birthday nung isa kong barkada eh”

Pwede na yun.

“Sige..salamat”

Nang may madaanan kaming fast food chain ay nag-order na nga ng pagkain yung boyfriend ni Richelle. Siya na din nagbayad. Infairness ang bait niya.

“Pasensya ka na muna dyan Jiyeon ah..pagdating nalang dun sa house ng friend ko ikaw kumain ng madami” hinging pasensya ni Richelle sakin nung iabot niya sakin yung hamburger, large fries at large coke.

“Sus…wala yun..ang dami na nga nito eh..saka okay lang bihira naman ako makakain ng ganito samin. Masyado kasing malayo ang bayan samin eh.” Sabi ko at sinimulang kainin ang bigay niya.

“Richelle..hindi ba nakakahiya dun sa friend mo kung isasama mo ako?” tanong ko sa pagitan ng pagnguya.

“Ha? Of course not..dont worry mababait ung mga yun..besides pinsan naman kita.. diba Bheb?’’ baling nito sa nobyo.

“Yup..dont worry Jiyeon..hindi sila nangangagat”

“Okay..sabi niyo eh.”

+ + +

Matapos ang mahabang biyahe..at natapos ko na ding kainin yung binili naming food kanina eh nakarating na kami dun sa bahay ng kaibigan ni pinsan… grabe..hindi nga yata bahay ang tawag dun eh..parang palasyo.

“We’re here” anunsyo ni Richelle at nagpauna ng bumaba.

Sumunod naman kami ni Trace sa kanya. Iniwan ko nalang dun sa kotse yung dala kong maleta.

Isang unipormadong guard ang nagbukas sa amin nung gate matapos naming magdoorbell.

“Big time pala yung kaibigan mo pinsan” humahangang sabi ko. Sa mga palabas sa TV lang kasi ako nakakakita ng ganito kaganda at kalaking bahay eh.

“Masanay ka na” natatawang sabi ni Richelle. “isa pa lang yan..madami pa akong kaibigan”

“wow ah…pero di ba nakakahiya ang suot ko? Birthday party ito diba?” simpleng tshirt at kupas na pantalon lang ang suot ko. Idagdag pang pakiramdam ko amoy pawis na ako.

“It’s okay Jiyeon..makikita mo normal lang din ang suot ng mga tao dito..like us” sabi ni Trace.

Pinagmasdan ko ang damit nila ni Richelle. Kung sa kanila normal lang ang suot nila..para sakin panglakad na iyon…at saka yung damit ni insan ..ang sexy… mukha akong katulong kapag idinikit sa kanya.

Inakbayan naman ako ni Richelle.

“Don’t worry cousin…akong bahala sayo..and besides..walang mang-aaway dito sayo..mababait sila…I swear”

Medyo napanatag naman ako.

“okay sige”

Isang unipormadong maid ang sumalubong samin.

“where are they manang Ising?” tanong ni Richelle.

“they are outside at the pool area Miss Richelle” sagot nung katulong.

Wow!!! Spokening dollar pala ang katulong dito eh.

Iniwan din naman agad kami nung katulong. Suplada.hehe.

Dumiretso naman kami kung saan yung pool area na sinasabi niya.

Muli ay nakaramdam ako ng pagkailang. Mas mukhang disente pa yata sakin yung maid eh.

“Jiyeon..relax” nakangiting sabi ni Trace sakin. Naramdaman niya sigurong natetense ako “hindi ka bibitayin dito”

“okay” sabi ko at huminga ng malalim.

Mga sampung tao lang ang naabutan namin sa pool. Mabuti nalang. Akala ko madaming bisita eh.

“Happy birthday Jeirick!!!!!” sigaw nina Trace at Richelle at nilapitan ang isang lalaki.

Diyos ko…napakagwapong lalaki naman nitong nasa harapan ko. Akala ko si Trace lang gwapo pero maging ang ibang kaibigan din pala nila ay saksakan din ng gwapo.

“You’re late” nakangiting sabi nung lalaking may birthday. Natulala nalang ako habang nakatingin sa kanya. Napakaamo ng mukha niya…mukha siyang anghel.

“pasensya na..something came up” hinging-paumanhin ni Richelle.

“Excuse me miss..who are you?” nagulat ako ng biglang may isang magandang babae na sumulpot sa tabi ko… hindi ko napansin kung saan siya nagmula.

Napatingin tuloy sakin lahat ng tao dun. Nakakahiya.

“are you lost?” tanong pa ulit nito. ..ang taray ng dating niya.. ito ba ang mababait na sinasabi ng pinsan ko?

Agad na nilapitan naman ako ni Richelle.

“Guys…everyone..this is Jiyeon..she’s my cousin from the province.. sinundo ko pa kasi siya kaya nalate kami ni Trace.” Pakilala sakin ni Richelle at inakbayan ako… kaya medyo nagging at ease naman ang pakiramdam ko. “Jeirick okay lang naman na dinala ko siya dito diba? Galing pa kasi kami ng terminal eh”

“Sure,,,no problem” nakangiting sabi nung Jeirick. Gosh! Ang gwapo talaga.

Kaso parang biglang naguho ang lahat ng ilusyon ko ng lapitan ito at yakapin nung malditang babaeng sumita sakin kanina. Girlfriend niya kaya yun o asawa? Pwes..hindi sila bagay! Hmfpt!

“Everyone..i’d like you to meet my cousin Jiyeon… be nice to her okay?”

“Hi Jiyeon.. I’m Regine..bestfriend ako ng pinsan mo… ito naman si Paul.. boyfriend ko” pakilala nung cute na babaeng palangiti. Ang cute niya kasi may dimple siya sa pisngi…saka yung boyfriend niya…gwapo din.

“Hi Jiyeon” bati nung Paul.

“Ako naman si Marky…single pa ako” pakilala naman nung isang lalaki at lumapit sakin at nakipagkamay. “ikaw? Single ka pa?’’

“Ah..oo”

“good..hehe”

“tumigil ka nga dyan…” sita dito nung isang babae…o babae nga ba? Nakabaseball cap kasi siya eh….pero maganda naman siya… mas maganda siya kesa dun sa babaeng maldita.

“Jhonah” pakilala nito. “welcome to the club”

“thank you.” Gusto ko siya promise!!!!

Isa-isa silang nagpakilala sakin.

“Yesha” mukhang tahimik.

“Earl” mukhang suplado. Hindi man lang ngumiti.

“Gray” sobrang gwapo..mukha na tuloy babae.

“Jeirick” ahhh…eto crush ko..kaso may girlfriend na demonyita.

“Demi” maganda sana at sexy kaso ang sungit. Hmfpt!

“Teka..asan si Laxus?” tanong ni Richelle.

“Here” mula sa likod ay may nagsalitang lalaki.

“Jiyeon..this is Laxus” pakilala ni Trace.

Pakiramdam ko may bumabang Olympus God sa lupa nung makita ko siya.

Ang gwapo…ang macho…lalaking-lalaki.

“Wala bang panget sa inyo?” di ko mapigilang itanong.

Halos lahat kasi sila magaganda at gwapo eh. Kahit saan ako tumingin.

“wala eh. Bawal ang panget dito… nasa harapan mo na ang gwapo bakit maghahanap ka pa ng panget?” sagot nung Laxus.

Parang lahat ng good things niya biglang naglahong parang bula.

Ang sama ng ugali!

“Ganun? So bawal pala ako dito?” biglang sabi nung Yesha.

Mukhang siya yung pinakamaliit sa kanila.

“Hindi ka panget Yesha” kontra nung lalaking mukhang babae sa sobrang gwapo.

“Ayiiieeeee…dumadamoves” pang-aasar dito nung Jhonah. Mukhang siya yung malakas mang-asar dito eh.

“Ang unfair talaga ng mundo noh? Gaya niyo…magaganda…gwapo..at mayayaman pa…samantalang sa amin..naku! wala ka man lang makitang gwapo… bakit ba kasi kayo nagtatago dito?” di ko napigilang bulalas dahilan para mapangiti sila.

“hey Richelle..i like your cousin” tumatawang sabi nung Marky.

“Pwede bang maupo? Kanina pa ako napapagod eh” tanong ko. Sakit na ng paa ko.

“Sure..sorry” at naghila pa ng upuan yung si Jeirick para ibigay sakin.

Ang gentleman naman..sayang…sige na hindi ko na siya crush…may girlfriend na siya eh..baka pag nalaman ng girlfriend niya na crush ko yun eh kalbuhin pa ako nun.

“Saang province ka ba galing?” tanong nung Gray.

“Samar”

“Ahh I see.”

“Alam niyo ba dun sa probinsya namin..ako na ang pinakamaganda… nanalo pa nga akong Miss Samar .. Akala ko sobrang ganda ko na..pero nung Makita ko kayo..parang bigla akong nanliit sa sarili ko..milya milya ang layo ng kagandahan niyo sakin. Magmumukha akong basahan sa inyo.”

“Simplicity is beauty” sabi nung lalaking masungit.

“hindi ka ba talaga ngumingiti?” di ko napigilang itanong. Halata namang nagulat siya sa tanong ko. Maging yung iba naming kasama.

Bakit? Masama na bang magtanong?

Binulungan naman ako ni Richelle.

“Don’t try to mess with him…he’s like a living hell”

“Ganun? Sorry”

“Wag mong intindihin yun… kapag inaway ka niyang lalaking iyan sumbong mo sakin” sabi ni Jhonah.

“Bakit anong gagawin mo?” supladong tanong naman nung si sungit prince.

“Wala…sinabi ko lang naman sumbong niya sakin ah”

“Hay naku Jiyeon wag mo nalang pansinin yang dalawang iyan. Mga abnormal yan eh” sabi sakin ni Regine.

“Hehe… mukha nga”

“Bakit ka nga pala nandito sa Maynila?” tanong sakin ni Gray.

Mukha ba akong kakaibang species at pinagkakaguluhan nila ako?

“Namatay kasi ang nanay ko. Kaya dito na ako titira sa bahay ng pinsan ng nanay ko.”

“Ahh okay I see… Condolence”

“kain ka Jiyeon” yaya sakin ni Jeirick.

“Thanks” gwapo talaga. Tsk! Sayang!

“Kung gusto mong magswimming..pwede rin…marunong ka bang magswimming?”

“Ano ka ba naman hon…natural laking probinsya yan kaya malamang marunong lumangoy iyan” singit ng nobya nito.

“Oo naman ako pa…walang makakatalo sakin sa paglangoy.dagat pa ang nilalangoy ko..kayo swimming pool lang. talo kayo sakin” pagmamalaki ko.

Hindi sinasadyang napatingin ako sa pool ng biglang may nagdive sa tubig.

Yung lalaking Olympus god kaso saksakan ng sama ng ugali ang nagsuswimming. Para akong nanonood ng sine sa nakikita kong tanawin.

“Uy! Crush mo” untag sakin ni Jhonah at bahagya pang binunggo ang balikat ko.

“Sino??” pagmamaang-maangan ko kahit na alam ko kung sino ang tinutukoy niya.

“Weeh? Ayun oh…kung nakakatunaw lang ang tingin kanina pa nalusaw iyang si Laxus” pang-aasar pa nito.

“Ha??? Hindi ko crush yun ah.ang yabang…iba yung crush ko” nakasimangot na sabi ko at kumuha ng barbeque na nakahanda sa mesa.

“Sino?”

“Ayun oh” sabi ko at ininguso si Jeirick.

“Ay! Wag na yan..kakalbuhin ka ng jowa niyan…”

“Mukha nga”

“Kay Laxus ka nalang…walang girlfriend yan”

“Tse! Masama kasi ugali niyan kaya siguro walang girlfriend”

Ewan ko ba parang ang init ng dugo sa kanya. Ang yabang kasi saka parang matapobre pa.

“You know what…I think I’m gonna like you” nakangiting sabi niya at iniwan ako.

Pakiramdam ko mapanganib yung ngiting iyon eh….ahhh bahala na. She looks nice naman.

“Hey…anong sabi sayo ni Jhonah? Inaaway ka ba?” tanong sakin ng pinsan ko ng makalayo sakin si Jhonah.

“Ha? Hindi…wala yun.. mukha naman siyang mabait eh”

“Yeah right..she’s nice and kind…” napatingin ito sa pinag-uusapan namin “..pero ingat ka…she’s dangerous you know…but not in a bad way naman.. parang there’s something in her na di mo kayang iexplain…ahhh basta… she’s also one of my bestfriend.. kaso hindi niya ako kinakausap ngayon…”

“Ha? Bakit? Nag-away kayo?” Kaya pala hindi niya sinabing bestfriend siya ni Insan. Yung Regine lang ang nagpakilalang bestfriend. Magkagalit pala sila.

“Not necessarily away..tampuhan lang naman”

“Bakit?”

“Well…ayaw niyang maging kami ni Trace”

“Ha? Bakit naman..mukha namang mabait iyang boyfriend mo eh”

“I don’t know…maybe she has her own reasons ..sometimes.. I really cant understand the way she thinks eh…” tumayo na si Richelle “ anyways… enjoy the party.. mamayang gabi na tayo umuwe.”

“Ahhh nasaan ba ang restroom ditto? Kanina pa ako nawiwiwi eh.”

“Just ask the maid kung saan ang restroom..pasok ka dun sa loob”

“Okay..sige”

“Bakit kaya sila nag-away? Hmm..mukhang interesting ang mga tao dito ah” sa loob-loob ko habang papasok ako ng loob ng malapalasyong bahay.

+ + +