Kung naipagtapat ko lang sana

Kung naipagtapat ko lang sana

Mahirap magmahal ng isang kaibigan

Palagi ka na lamang masasaktan

Ang iyong puso’y masusugatan

Sapagkat sa puso niya’y iba ang laman.

Hindi mo malaman ang iyong gagawin

Upang maiparating ang iyong damdamin

Natatakot  kang iba ang kanyang isipin

Katwiran mo’y pagkakaibigan niyo’y ayaw mong sirain.

Nagpasya kang magmahal ng iba

Dahil baka sakaling makalimutan mo siya

Pero kahit marami pa sila

Puso mo’y hinahanap pa rin talaga siya.

Isang araw may natanggap ka

Isang balitang wala na siya

Sa mata mo’y may pumatak na luha

Nang mabasa mo ang huling sulat niya.

“Minamahal kita aking kaibigan

Sa puso ko’y ikaw ang laman

Subalit pag-ibig ko’y walang katugunan

Sapagkat puso mo’y may ibang laman”

“Nais ko sanang sabihin sayo

Ang nadarama nitong puso

Subalit natatakot ako

Kaya naman akin na lamang itinago”

“Sana maging maligaya ka

Kahit ako’y mawala na

Lagi mo lamang pakatandaan sana

Sa puso ko ika’y nag-iisa.”

Walang humpay ang iyong naging pagluha

Nang mabasa mo ang huling sulat niya

Laking pagsisisi ang iyong nadama

At ika’y marahang bumulong;

“Kung naipagtapat ko lang sana”