Isang Huling Pagluha

 

Isang Huling Pagluha

By: Shinayawaara

Ang aking mga nawalang pangarap

At pusong sugatan ay pinipilit kong gamutin.

Nakita kitang kahawak-kamay siya

At napakalapit niyo sa isat-isa.

Ako ngayon ay nag-iisa

Hinihiling na ang lahat ng nararamdaman ay mawala.

Naibigay na ang lahat sa iyo

Wala na akong magagawa pa

Kundi ang lumuha.

Isang huling pagluha pa

Bago ko iwanan ang lahat ng bagay sa nakaraan

Ngayon ay aalisin na kita sa aking isipan

Tama nang minsan ako’y nabuhay sa kasinungalingan

Tatapusin na ang lahat ng kahibangan

Isang huling pagluha na lang.

Narito ako, nandyan ka

Sa tingin ko’y hindi talaga tayo magtutugma

Bakit ang araw ay nasa iyo?

Samantalang ang ulan ay nasa akin.

Ngayon ako ay nag-iisa

Hinihiling na ang lahat ng ito ay mawala

Kailangan ko ng magparaya

Iyon na lamang ang tangi kong magagawa.

Isang huling pagluha pa

Bago ako tuluyang magpaalam

Aalisin na kita sa aking isipan

Nabuhay ako sa isang kasinungalingan

Alam kong kailangan kong maging matatag

Dahil ang pag-ibig at buhay ay magpapatuloy

Nang magpapatuloy..ng magpapatuloy..

Isang huling pagluha na lang.