Tuesday, August 19, 2014

Hara's Photoshoot at Great Image


Kapag nagkaanak ka ay daig mo pa ang isang photographer at reporter. Everything na ginagawa ng anak mo ay sinusubaybayan mo. Ang kanyang unang pagngiti, pagligo, pagtawa. Maging ang kanyang paglaki ay gusto mong subaybayan. Mayat maya ay kinukuhanan mo siya ng litrato upang makita ang paglaki niya. Ikinukumpara mo siya magmula ng ipanganak siya hanggang sa lumaki siya. Makikita mo ang pagbabago. Sabi nila, madidiskubre mo ang pagbabago ng bata during his/her early months. Hanggat hindi pa siya umaabot ng isang taon. Napakabilis ng pagbabagong makikita mo sa kanya. Parang bawat araw ay may nababago. Nagkakaiba.


Siyempre bilang isang mommy, ganun din ako sa baby ko. Pero hindi naman ako mayaman para buwan buwan ay pakuhanan siya ng litrato sa studio. Mas nakakatuwa naman kasi kapag sa photo studio ka nagpakuha. Bukod sa may mga props sila na ipapagamit sa baby mo ay magaganda talaga ang mga kuha nila. Kaya naman dahil gusto ko pa ring pakuhanan si baby sa studio ay sinabi ko sa sarili ko na every 3 months nalang mula ng ipanganak ko siya dadalhin sa studio upang pa-piktyuran.


Nagresearch ako sa internet kung saan may malapit na studio. At sa paghahanap ko sa mga mommy networks ay natagpuan ko ang Great Image. Eksakto naman dahil may malapit na studio sa opisina namin. Kaya naman agad akong nag-inquire sa Great Image sa may SM Aura. Nagkataon na may promo sila na kapag nagpareserve ka na ay may 25% discount ka na makukuha. At noon ngang 3rd month niya last June ay pinakuhanan ko siya sa Great Image.



Mabait at approachable naman yung photographer. Halatang sanay siya sa mga bata dahil nakukuha niya ang atensyon ng baby ko. Nagagawa niya din itong patawanin. Kaya naman magaganda ang kinalabasan ng mga kuha niya.




Although medyo pricey ang halaga ng pagpapaphotoshoot at sinabi ko na hindi ako masyadong gagastos para doon ay hindi ko rin naiwasan dahil nung nakita ko ang mga kuha niyang litrato parang gusto kong pakyawin na lahat. Pero dahil medyo mahal ay napilitan nalang akong mamili ng talagang gusto ko. Halos naka Php4,800 din ako sa lahat ng kuhang iyan.


At eto nga ang mga napili kong mga litrato niya.












Next month kapag tuntong niya ng 6th month niya papakuhanan ko siya ulit. Kailangan ko nang mag-ipon. Hehe.


No comments:

Post a Comment