Sa likod ng aking anino

CTO

Siya’y isang tinig na ayaw lumabas

Boses na sa damdami’y gustong makaalpas

Kaluluwang itinatago sa tuwa at galak

Hindi mapapantayan ng bawat palakpak.

CTO

 

Sa likod ng aking anino ay may nahihimlay

Isang katauhang gusto sa akin ay mabuhay

Isang damdaming nanunuot sa bawat himaymay

Na kapag lumabas... oh anong lumbay!

 

CTO

Isang nakaraang pilit ikinukubli

Sa mga mata ng mapanghusga’t mapang-api

Isang nakaraang ibinaon na sa limot

Ngunit anong dahilan..bakit mundo’y nag-iba ng ikot?

CTO

Oh tadhanang sadyang mapaglaro

Hayaan na sanang mundo ko’y magbago

Ang nakaraan kong gusto ng kalimutan

Wag mo na sana pang bigyan ng katwiran.

CTO

 

Mga pangyayari sa aking nakalipas

Hayaan nang itago at huwag ilabas

Sapagkat kapag nagkaganoo’y mundo ko’y magbabago

Dahil lang sa isang tinig sa likod ng aking anino.